Հաստատված է

Միջազգային Նյարդագիտական Ակադեմիայի

Նախագահության (Գիտական ​​Խորհրդի) կողմից։

Արձանագրություն՝ 2020 թվականի օգոստոսի 20-ին.

ԸՆԴՀԱՆՈՒՐ  ԴՐՈՒՅԹՆԵՐ

1. Միջազգային Նյարդագիտական Ակադեմիան (այսուհետ՝ ՄՆԱ) ստեղծվել է «Միջազգային Նյարդագիտական Ակադեմիա» ՍՊԸ-ի (19-04-2019) կանոնադրության համաձայն: Նախագահության (Գիտական ​​խորհրդի) անդամները համատեղ բանաձև են ընդունել «Միջազգային Նյարդագիտական Ակադեմիայի» ստեղծման մասին և 2020 թվականի օգոստոսի 20-ը համարվում է «Միջազգային Նյարդագիտական Ակադեմիայի» պաշտոնական բացման օր։

2. ՄՆԱ-ի կազմի մեջ ընդգրկված են Հայաստանի ճանաչված և առաջատար գիտնականներ՝ իսկական անդամներ (ակադեմիկոսներ), թղթակից անդամներ, օտարերկրյա և պատվավոր անդամներ, ինչպես նաև ՄՆԱ-ի երիտասարդական գիտական ​​խորհրդի անդամներ։ ՄՆԱ-ի իսկական անդամներն ու թղթակից անդամները ներքին կանոնադրության հեղինակներն են, որը իր իրավասությունը կենսագործում է Հայաստանի Հանրապետության ողջ տարածքում և նրա սահմաններից դուրս:

3. ՄՆԱ-ն իր գործունեությունն իրականացնում է համաձայն Հայաստանի Հանրապետության Սահմանադրության, Հայաստանի Հանրապետության քաղաքացիական օրենսգրքի, «Գիտության մասին» ՀՀ օրենքի և Հայաստանի Հանրապետության այլ կանոնակարգերի և գիտական ​​կանոնակարգի համապատասխան, ինչպես նաև «Միջազգային Նյարդագիտական Ակադեմիա» ՍՊԸ-ի կանոնադրությամբ սահմանված ՄՆԱ-ի անդամների գիտական ​​և հասարակայնության հետ կապերի կանոնակարգի:

ՄՆԱ-ի իրավական կարգավիճակը, անվանումը և գտնվելու վայրը.

4. ՄՆԱ-ն իրավաբանական անձ է, ունի անկախ հաշվեկշիռ, օրենքով սահմանված կարգով բանկային հաշիվներ, բլանկներ, կնիքներ, դրոշմներ և այլ պաշտոնական ատրիբուտներ:

5. ՄՆԱ-ի անվանումը.

Պետական ​​լեզվով՝ ամբողջական՝ «ՄԻՋԱԶԳԱՅԻՆ ՆՅԱՐԴԱԳԻՏԱԿԱՆ ԱԿԱԴԵՄԻԱ», կրճատ՝ «ՄՆԱ»: Ռուսերեն՝ ամբողջական` «МЕЖДУНАРОДНАЯ АКАДЕМИЯ НЕЙРОНАУК», կրճատ՝ «МАН»:

Անգլերեն՝ ամբողջական` «INTERNATIONAL ACADEMY OF NEUROSCIENCES», կրճատ՝ «IAN»։

6. ՄՆԱ-ի գտնվելու վայրը՝ Հայաստանի Հանրապետություն, Երևան։

ՄՆԱ-ի ԳՈՐԾՈՒՆԵՈՒԹՅԱՆ ՆՊԱՏԱԿԸ ԵՎ ԱՌԱՐԿԱՆ

1. ՄՆԱ-ի նպատակն է նպաստել Հայաստանում նյարդագիտության զարգացմանը, առավել կարևոր և հեռանկարային գիտական հետազոտությունների և գիտատեխնիկական նախագծերի իրականացմանը, գիտատեխնիկական գործունեության արդյունքների ներմուծումը երկրի տնտեսության մեջ, գիտական ​​և նորարարական գործունեության զարգացմանը, Հայաստանի Հանրապետության տնտեսական, սոցիալական, պետական-իրավական և մշակութային զարգացումն ապահովելու նպատակով Հայաստանի Հանրապետության և այլ զարգացած երկրների գիտնականների մասնագիտական ​​համախմբմանը։

2. ՄՆԱ-ի գործունեության առարկաներն են.

• երկրի հայտնի կամ առաջատար գիտնականների համախմբումը,

• համաշխարհային և Հայաստանյան գիտության վիճակի և զարգացման միտումների վերլուծություն, գիտության զարգացման առաջնահերթ ուղղությունների կանխատեսում և հիմնավորում պարունակող նյարդագիտական տարեկան Ազգային զեկույցի պատրաստում և թողարկումը. նյարդագիտության վերաբերյալ ՄՆԱ-ի զեկույցը ամեն տարի ներկայացվում է Հայաստանի Հանրապետության Նախագահին և ՀՀ վարչապետին,

• գիտական ​​նվաճումների խթանումը և հրատարակչական գործունեությունը

• գիտահետազոտական ​​գործունեությունը և գիտական ​​կադրերի պատրաստումը,

• նպատակային գիտական ​​նախագծերի և ծրագրերի փորձագիտության մասնակցությունը,

• բարձր տեխնոլոգիական արդյունաբերության և նորարարական գործունեության ստեղծումը,

• մասնակցությունը գիտական ​​և նորարարական գործունեության բնագավառում միջազգային համագործակցության զարգացմանը, սիմպոզիումների և ցուցահանդեսների կազմակերպումը,

• ՄՆԱ-ի կողմից սահմանված գիտական ​​մրցանակների, պատվավոր կոչումների և մրցանակների շնորհում։

ՄՆԱ-ի ԿԱԶՄԸ

1. ՄՆԱ-ի իսկական անդամները (ակադեմիկոսները) և թղթակից անդամները, օտարերկրյա և պատվավոր անդամներն անցկացնում են ՄՆԱ-ի Ընդհանուր ժողով, որպես կանոն, բաց ռեժիմով: Ընդհանուր ժողովը իրավասու է ընդունել որոշումներ, եթե ներկա է ՄՆԱ-ի իսկական անդամների (ակադեմիկոսների) և թղթակից անդամների առնվազն 2/3-ը: Ձայների հավասարության դեպքում որոշումը կայացնում է ՄՆԱ-ի նախագահը /տնօրենը/: ՄՆԱ-ի պատվավոր անդամները, օտարերկրյա անդամները և երիտասարդական գիտական ​​խորհրդի անդամները կարող են մասնակցել միայն որպես ունկնդիր:

2. ՄՆԱ-ի իսկական անդամներ (ակադեմիկոսներ) կարող են ընտրվել թղթակից անդամները։ Իսկական անդամներ բացառիկ դեպքերում կարող են ընտրվել խոշոր գիտնականներ՝ գիտությունների դոկտորներ, գիտությունների թեկնածուներ, որոնք ստեղծել են գիտական ​​դպրոցներ, կատարել են նորարարական հետազոտություններ, նշանակալի կամ ակնառու նվաճումների են հասել նյարդաբանության ոլորտում, ճանաչվել են Հայաստանի և աշխարհի առաջատար գիտնականների կողմից և հանդիսանում են պատվավոր կամ օտարերկրյա (Հայաստանի Հանրապետության քաղաքացիության առկայության պարագայում) ՄՆԱ-ի անդամներ:

3. ՄՆԱ-ի թղթակից անդամներ կարող են ընտրվել այն գիտնականները, ովքեր գրավոր ճանաչել և պարտավորվել են իրականացնել սույն Կանոնադրությունը, ովքեր հարստացրել են գիտությունը իրենց հետազոտություններով, կիրառական մեթոդներով, խոշոր ձեռքբերումներով՝ ճանաչված Հայաստանի և օտարերկրյա գիտական ​​համայնքների կողմից, ունեն գիտությունների դոկտորի, գիտությունների թեկնածուի և (կամ) պրոֆեսորի, դոցենտի գիտական ​​աստիճան՝ ստացված գիտական ​​նվաճումների համար, և որպես կանոն, գիտական ​​կամ գիտագործնական գործունեության 1-ից 3 տարվա ստաժ՝ Հայաստանի Հանրապետության պետական ​​մարմին ​​կողմից գիտական կոչում շնորհելուց հետո։

4. ՄՆԱ-ի իսկական անդամներն ու թղթակից անդամներն ընտրվելուց հետո մեկ տարի փորձաշրջան անցնելով՝ ընտրվում են ցմահ և կարող են հեռացվել ՄՆԱ անդամների կազմից, կամ իրենց ցանկությամբ տեղափոխվել օտարերկրյա, կամ պատվավոր անդամների կազմ:

5. ՄՆԱ բոլոր անդամները պարտավոր են հետևել և պահպանել Կանոնադրության դրույթները և զերծ մնալ ՄՆԱ-ին և նրա Նախագահությանը (Գիտխորհրդին) հասցեագրված կանխամտածված զրպարտչական (ապօրինի) հրապարակային հայտարարություններից: Անհրաժեշտության դեպքում Նախագահությունը ստեղծում է լրացուցիչ Էթիկայի հանձնաժողով, որը իրավասու է ընդունելու ցանկացած որոշում, որը կքննարկվի Նախագահության առաջարկությամբ ՄՆԱ-ի ընդհանուր ժողովի նիստում: Բոլոր որոշումներն ընդունվում են ձայների մեծամասնությամբ։ ՄՆԱ-ի անդամները չեն հետապնդում քաղաքական և/կամ կրոնական նպատակներ կամ մտադրություններ: ՄՆԱ-ն անկուսակցական է, անկախ և իր գործունեության մեջ լիովին և անվերապահորեն ենթարկվում է ՀՀ օրենքներին:

6. Թափուր հաստիքների թիվը, մասնագիտությունների ցանկը և իսկական անդամների և թղթակից անդամների ընտրության կարգը սահմանում է ՄՆԱ Նախագահությունը:

7. Իսկզբանե, «Միջազգային Նյարդագիտական Ակադեմիա» ՍՊԸ-ի հիմնադրման օրվանից՝ 19.04.2019թ., Հիմնադիրը նշանակում է տնօրենին, նախագահին, փոխնախագահներին, բաժանմունքների ղեկավարներին, ՄՆԱ Նախագահության կազմը և ՄՆԱ զանազան հանձնաժողովների ղեկավարներին:

8. ՄՆԱ-ի ներքին կանոնադրության հաստատումից հետո Նախագահության կողմից անցկացվում է նախագահի, փոխնախագահների, ՄՆԱ բաժինների ակադեմիկոս-քարտուղարների, տարբեր հանձնաժողովների ղեկավարների, իսկական անդամների (ակադեմիկոսների), թղթակից անդամների, պատվավոր անդամների, օտարերկրյա անդամների, ինչպես նաև ՄՆԱ Նախագահության Երիտասարդական գիտական ​​խորհրդատվության անդամների ընտրություններ՝ բաց քվեարկությամբ և ձայների մեծամասնությամբ՝ ՄՆԱ նախագահի ներկայացմամբ։ Նախագահի, փոխնախագահների, բաժինների ակադեմիկոս-քարտուղարների  և ՄՆԱ գլխավոր գիտական քարտուղարի պաշտոնում կարող են ընտրվել միայն ՀՀ քաղաքացիություն ունեցող անձինք՝ գիտությունների թեկնածուի կամ գիտությունների դոկտորի գիտական ​​աստիճանով, կամ անձինք ովքեր ակտիվ մասնակցություն են ցուցաբերում ՄՆԱ-ի գիտական-գործնական կյանքում և ունեն ՀՀ քաղաքացիություն։ ՄՆԱ-ի նախագահի ընտրությունը անցկացվում է միայն այն դեպքում, եթե «Միջազգային Նյարդագիտական Ակադեմիա» ՍՊԸ-ի Հիմնադիրը կամավոր և գրավոր հրաժարվում է իրականացնել ՄՆԱ-ի նախագահի պարտականությունները:

9. ՄՆԱ-ի օտարերկրյա անդամներներ կարող են ընտրվել օտարերկրյա գիտնականներ, որոնց միջազգային նյարդագիտության, գիտության, մշակույթի և Հայաստանի Հանրապետության տնտեսության զարգացման գործում գիտական ​​ներդրումը ճանաչվել է բացառիկ ՄՆԱ-ի կողմից: Օտարերկրյա անդամները ժողովներին մասնակցում են խորհրդատվական ձայնի իրավունքով:

10. ՄՆԱ-ի պատվավոր անդամ կարող են ընտրվել Հայաստանի Հանրապետության այն քաղաքացիները, որոնց արժանիքները նպաստել է Հայաստանի Հանրապետությունում նյարդագիտության, համաշխարհային գիտության և գիտության զարգացմանը: Պատվավոր անդամները ժողովներին մասնակցում են խորհրդակցական ձայնի իրավունքով:

11. Բացառիկ դեպքերում, հաշվի առնելով դիմողի բարձր արժանիքները, համբավն ու համագործակցության համար կատարած աշխատանքի նշանակությունը, փոխօգնությունը և հովանավորչությունը նշանավոր գիտնականներին կամ ղեկավարներին/մենեջերներին կարող է շնորհվել ՄՆԱ-ի ՊԱՏՎԱՎՈՐ ԱԿԱԴԵՄԻԿԻ կոչում:

12. ՄՆԱ-ի Երիտասարդական գիտական ​​խորհրդի անդամ կարող են ընտրվել Հայաստանի Հանրապետության քաղաքացիները և օտարերկրյա քաղաքացիները, ովքեր հետաքրքրված են նյարդագիտության ոլորտով:

ՄՆԱ-ի ԱՆԴԱՄՆԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

1. ՄՆԱ-ի իսկական անդամները (ակադեմիկոսները) և թղթակից անդամներն իրավունք ունեն․

   1. • Հայաստանի Հանրապետության օրենսդրությամբ, «Նյարդագիտական միջազգային ակադեմիա» ՍՊԸ-ի կանոնադրությամբ և սույն Կանոնադրությամբ սահմանված կարգով մասնակցություն ՄՆԱ-ի աշխատանքներին,

      • ՄՆԱ-ի գործունեության բոլոր հարցերի վերաբերյալ առաջարկությունների ներկայացում ՄՆԱ-ի մասնաճյուղի, Նախագահության և Ընդհանուր ժողովի քննարկմանը  և մասնակցություն այդ քննարկումներին,

      • ՄՆԱ-ի կազմից ազատ դուրս գալը կամ իսկական անդամից անցում օտարերկրյա կամ պատվավոր անդամի` համաձայն ՄՆԱ-ի Նախագահությանը ներկայացված դիմումի կամ Նախագահության և ՄՆԱ Ընդհանուր ժողովի որոշման,

      • տեղափոխվել մի բաժնից մյուս բաժին  Նախագահության և սույն բաժինների անդամների մեծամասնության համաձայնությունը ստանալու դեպքում:

2. ՄՆԱ-ի իսկական անդամները (ակադեմիկոսները) և թղթակից անդամները պարտավոր են.

   1. • իրականացնել գիտական, գիտական-գործնական հետազոտություններ, ստեղծել գիտական ​​դպրոցներ և նպաստել գիտության զարգացմանը, նյարդագիտության զարգացմանը հանրապետությունում համաշխարհային մակարդակով,

      • արտասահմանյան և հայրենական ամսագրերում կամ հրապարակումներում հրապարակել ակնարկներ և վերլուծական նյութեր գիտության զարգացման համաշխարհային միտումների, գիտական ​​և տեխնիկական ներուժի վիճակի մասին հանրապետությունում նյարդագիտության զարգացման առաջնահերթ ոլորտներում,

      • տարեկան հաշվետվություն ներկայացնել գիտության մեջ անձնական ներդրման, բարձր որակավորում ունեցող գիտական ​​կադրերի պատրաստման, գիտական ​​աշխատությունների հրապարակումների և դրանց գործնական իրականացման վերաբերյալ,

      • պայմանագրային կամ հանրային հիմունքներով մասնակցել Նյարդագիտության վերաբերյալ ՄՆԱ-ի տարեկան ազգային զեկույցի պատրաստմանը:

3. ՄՆԱ-ի իսկական անդամները, թղթակից անդամները և պատվավոր անդամները գիտական ​​ուղվածության համապատասխան հանդիսանում են նրա մասնագիտացված բաժիններից որևէ մեկի անդամ:

4. Հայաստանի Հանրապետության մարզերում աշխատող և բնակվող ՄՆԱ իսկական անդամները, թղթակից անդամները և պատվավոր անդամները հանդիսանում են ՄՆԱ-ի համապատասխան տարածքային մասնաճյուղի  անդամ:

5. ՄՆԱ-ի իսկական անդամները, թղթակից անդամները, օտարերկրյա և պատվավոր անդամները Կանոնադրության համապատասխան պարտավոր են կատարել Նախագահության որոշումները և ՄՆԱ նախագահի,  տարածաշրջանային մասնաճյուղի նախագահի ցուցումները, մասնակցել ՄՆԱ-ի համապատասխան մասնաճյուղի Ընդհանուր ժողովների աշխատանքներին և կյանքի կոչել որոշումները, նպաստել հանրապետությունում գիտության, նյարդագիտության զարգացմանը։

6. ՄՆԱ-ի անդամի հիմնական պարտականություններն են ազգային գիտությունը հարստացնել ակնառու աշխատություններով և ձեռքբերումներով, մշակել գիտական ​​և գիտատեխնիկական խնդիրներ, պատրաստել գիտական ​​կադրեր, ինչպես նաև չօգտագործել ՄՆԱ-ի հարթակը Հայաստանի Հանրապետության օրենսդրությանը հակասող քաղաքական, կրոնական և այլ նպատակներով:

ՄՆԱ-ի ԿԱԶՄԱԿԵՐՊՉԱԿԱՆ ԿԱՌՈՒՑՎԱԾՔԸ

1. ՄՆԱ-ն ձևավորում է Նախագահությունը, գիտական ուղություններով մասնագիտացված Բաժինները, Էթիկայի հանձնաժողովը և Քննական Հանձնաժողովը, ՄՆԱ-ի տարածքային բաժիններ (մասնաճյուղեր, ներկայացուցչություններ), գիտական ​​կազմակերպություններ, ինչպես նաև կարող է մասնակցել  գիտական և նորարար արտադրության ստեղծմանը:

2. ՄՆԱ-ի մասնագիտացված բաժին հանդիսանում է կառուցվածքային չառանձնացված ստորաբաժանումը գիտության կոնկրետ բնագավառում, որը միավորում է համապատասխան բնագավառում աշխատող ՄՆԱ-ի անդամներին: Բաժանմունքները գործում են ՄՆԱ-ի Նախագահության ներքո և հաշվետու են նրան:

3. ՄՆԱ-ի տարածքային բաժինը (մասնաճյուղը, ներկայացուցչությունը) հանդիսանում է կառուցվածքային ոչ առանձին ստորաբաժանում Հայաստանի Հանրապետությունում, որը միավորում է այս մարզում աշխատող և բնակվող ՄՆԱ անդամներին: Կանոնադրությունը հաստատում է ՄՆԱ-ի Նախագահությունը, նախագահողը նշանակվում է ՄՆԱ-ի նախագահի կողմից:

4. ՄՆԱ-ի ներկայացուցչություններն ու գիտական ​​(գիտաարտադրական) կազմակերպությունները կարող են ստեղծվել ինչպես Հայաստանի Հանրապետությունում, այնպես էլ օտարերկրյա պետություններում՝ Հայաստանի Հանրապետության օրենսդրությանը համապատասխան: ՄՆԱ-ն կարող է սահմանված կարգով հանդես գալ որպես կազմակերպությունների հիմնադիր կամ համահիմնադիր, ինչպես նաև անդամակցել ասոցիացիաներին և միություններին: Ներկայացուցչությունը, գիտական ​​և գիտաարտադրական կազմակերպությունը գլխավորում է տնօրենը /նախագահը/, որը նշանակվում է ՄՆԱ-ի նախագահի կողմից:

5. ՄՆԱ-ի գործունեությանը գիտական ​​հանրությանը լայնորեն ներգրավելու և ՄՆԱ-ի կանոնադրական նպատակներն իրականացնելու համար բաժինները (մասնաճյուղերն ու ներկայացուցչությունները) իրավունք ունեն ստեղծել գիտական ​​խորհուրդներ, նախաձեռնող հետազոտական ​​խմբեր և այլ ժամանակավոր ու մշտական գործող ​​գիտական ​​կազմակերպություններ` ընդգրկելով նրանց կազմում ինչպես ՄՆԱ-ի անդամներ, այնպես էլ այլ ականավոր գիտնականներ։

ՄՆԱ-ի ԿԱՌԱՎԱՐՈՒԹՅՈՒՆ

1.ՄՆԱ-ի բարձրագույն մարմինը ՄՆԱ-ի Ընդհանուր ժողովն է: Ընդհանուր ժողովը իրավասու է ընդունել ցանկացած որոշում, եթե ներկա է ՄՆԱ անդամների առնվազն 2/3-ը: Որոշումներ կայացնելու համար ժողովին անհրաժեշտ է ներկա լինեն իսկական անդամների և թղթակից անդամների առնվազն 2/3-ը՝ ցուցակից  հանելով հարգելի պատճառներով (հիվանդություն, գործուղումներ և այլն) բացակայողներին։ Գաղտնի քվեարկության արդյունքները հաշվարկելու համար Ընդհանուր ժողովը ընտրում է հաշվիչ հանձնաժողով։

Ընդհանուր ժողովի բացառիկ իրավասությունները ներառում են.

• ՄՆԱ-ի կանոնադրության ընդունում, կանոնադրությունում փոփոխություններ և լրացումներ անել։

• ՄՆԱ-ի կամավոր վերակազմավորման և լուծարման մասին որոշում կայացնել։

• ՄՆԱ-ի մասնագիտացված և տարածքային ստորաբաժանումների ստեղծում (մասնաճյուղեր, ներկայացուցչություններ)։

• ՄՆԱ-ի կառավարման մարմինների իրավասության, կազմակերպչական կառուցվածքի, ձևավորման և լիազորությունների դադարեցման կարգի որոշում։

• ՄՆԱ-ի Նախագահության գիտական ​​և կազմակերպչական աշխատանքների տարեկան հաշվետվության հաստատում։

Ընդհանուր ժողովը հրավիրվում է ՄՆԱ-ի Նախագահության կողմից ըստ անհրաժեշտության, բայց առնվազն տարին մեկ անգամ: Ընդհանուր ժողովի օրակարգը և դրանց վերաբերյալ որոշումների նախագծերը նախնական քննարկվում են ՄՆԱ-ի Նախագահության նիստում:

Կանոնադրության ընդունման և փոփոխման, ՄՆԱ-ի վերակազմավորման և լուծարման մասին որոշումներն ընդունվում են մեծամասնության կողմից, այսինքն Ընդհանուր ժողովին մասնակցած ՄՆԱ-ի իսկական անդամների և թղթակից անդամների ձայների առնվազն 2/3-ի, մնացած որոշումները՝ ձայների պարզ մեծամասնությամբ։  Ժողովի անցկացման կարգը և քվեարկության ձևը (գաղտնի կամ բաց) որոշվում է ընդհանուր ժողովի կողմից բաց քվեարկության ճանապարհով՝ ձայների պարզ մեծամասնությամբ։

2. ՄՆԱ-ի գործադիր ղեկավար մարմինը Նախագահությունն է, որը ձևավորվում է նախագահից, փոխնախագահներից, գլխավոր գիտ​​քարտուղարից, որոշ վարչությունների նախագահներից և Նախագահության այլ անդամներից՝ Ընդհանուր ժողովի կողմից սահմանված թվաքանակով: Նախագահության կազմի ձևավորումը, անհրաժեշտության դեպքում, իրականացնում է Ընդհանուր ժողովը՝ ՄՆԱ-ի նախագահի գլխավորությամբ: Նախագահության անդամների միջև պարտականությունների բաշխումն իրականացնում է ՄՆԱ-ի նախագահը:

ՄՆԱ-ի ՆԱԽԱԳԱՀՈՒԹՅԱՆ ԻՐԱՎԱՍՈՒԹՅՈՒՆՆԵՐԸ

• Ընտրվում է ՄՆԱ-ի ընդհանուր ժողովի կողմից։

• Հրավիրում է ՄՆԱ-ի Ընդհանուր ժողովի նիստ։

• Հաստատում է ՄՆԱ-ի Նախագահության աշխատանքային ծրագրերը, ՄՆԱ-ի բաժինների (մասնաճյուղերի) և այլ հաշվետու կազմակերպությունների կանոնակարգերը, լսում է դրանց կատարման մասին։

• Ստեղծում է գիտական ​​խորհուրդներ, գիտական ​​կենտրոններ (ներկայացուցչություններ), գիտական և գիտաարտադրական, նախագծային-կոնստրուկտորական կազմակերպություններ և այլ, ՀՀ օրենսդրությամբ  չարգելված ՄՆԱ-ի իրավաբանական մարմիններ։

• Հրավիրում է գիտության զարգացման խնդիրներին նվիրված գիտաժողովներ, սիմպոզիումներ և սեմինարներ, կազմակերպում մրցույթներ և ցուցահանդեսներ։

• Վերահսկում է ՄՆԱ-ի միջոցների ճիշտ օգտագործումը, կազմակերպում և լսում է վերստուգիչ հանձնաժողովի հաշվետվությունը։

• Վերահսկում է սույն Կանոնադրության պահպանումը և իրականացումը բոլոր կառուցվածքային ստորաբաժանումների, ՄՆԱ-ի պաշտոնատար անձանց և անդամների կողմից։

• Սահմանում է ՄՆԱ-ի իսկական անդամների (ակադեմիկոսների) և թղտակից անդամների ընտրության կարգը, թափուր պաշտոնների քանակը, մասնագիտությունների ցանկը և կարգը։

• Ընտրում է ՄՆԱ-ի նոր անդամներին։

• Հաստատում է ՄՆԱ-ի անդամների կրծքանշանները, գիտական ​​մրցանակները, պատվավոր կոչումները, պարգևները (շքանշանները) և պատվոգրերը։

• Համակարգում է նյարդագիտության վերաբերյալ տարեկան Ազգային զեկույցի իրականացումը ՄՆԱ-ի անդամների և այլ ոլորտի ակադեմիաների, գիտական ​​կազմակերպությունների և համալսարանների գիտնականների կողմից։

• Քննարկում և հաստատում է ՄՆԱ-ի հրապարակումների պլանը (ամսագրեր, մենագրություններ, կայք) և վերահսկում դրանց կատարումը։

• Իրականացնում է ՄՆԱ-ի գործունեության կառավարման այլ գործառույթներ, որոնք չեն մտնում Ընդհանուր ժողովի բացառիկ իրավասության մեջ և արգելված չեն ՀՀ գործող օրենսդրությամբ:

Նախագահության նիստն իրավասու է, եթե ներկա է նախագահության անդամների երկու երրորդը` ցուցակից հանելով հարգելի պատճառներով (հիվանդություն, գործուղումներ և այլն) բացակայողներին: Նախագահության որոշումն ընդունվում է ձայների պարզ մեծամասնությամբ, իսկ ձայների հավասարության դեպքում որոշումը կայացնում է ՄՆԱ-ի նախագահը։

ՄՆԱ-ի ՆԱԽԱԳԱՀԻ ԻՐԱՎԱՍՈՒԹՅՈՒՆՆԵՐԸ

• Ընտրվում և վերընտրվում է 5 տարի ժամկետով ՄՆԱ-ի Ընդհանուր ժողովի կողմից գաղտնի քվեարկությամբ, որպես կանոն, ՄՆԱ-ի նախագահության կամ մասնագիտացված բաժնի Ընդհանուր ժողովի կողմից առաջադրված ՄՆԱ-ի իսկական անդամներից (ակադեմիկոսներից)՝ ձայների պարզ մեծամասնությամբ։ Նախքան ՄՆԱ-ի Ընդհանուր ժողովի կողմից քվեարկության անցկացումը «Միջազգային Նյարդագիտական Ակադեմիա» ՍՊԸ-ի հիմնադիր-տնօրենն ունի վետոյի իրավունք ՄՆԱ-ի նախագահի թեկնածու առաջադրելիս։

• Կրում է անձնական պատասխանատվություն ՄՆԱ-ի վրա դրված խնդիրների կատարման և գործառույթների իրականացման համար։

• Գործում է միանձնյա կառավարման սկզբունքներով և ինքնուրույն լուծում է ՄՆԱ-ի գործունեության բոլոր ընթացիկ հարցերը՝ Հայաստանի Հանրապետության օրենսդրությամբ և ՄՆԱ-ի կանոնադրությամբ սահմանված իր իրավասություններին համապատասխան:

• Ղեկավարում է ՄՆԱ-ի Նախագահությունը, Նախագահության գործունեությունը, նախագահում է ՄՆԱ-ի ժողովները և Ընդհանուր ժողովի նիստերը:

• Հրամանով հաստատում է ՄՆԱ-ի Նախագահության և Ընդհանուր ժողովի բոլոր որոշումները և այլ պաշտոնական փաստաթղթերը:

• Առանց լիազորագրի հանդես է գալիս ՄՆԱ -ի անունից՝ ներկայացնելով վերջինիս շահերը բոլոր կազմակերպություններում:

• Նպաստում է ՄՆԱ-ի անդամների մասնակցությանը ՀՀ կառավարությանն առընթեր գործող Բարձրագույն գիտատեխնիկական հանձնաժողովի, Գիտության ազգային խորհրդի և Գիտական ​​ծրագրերի և նախագծերի փորձագիտական ​​ազգային կենտրոնի աշխատանքներին:

• Նպաստում է ՄՆԱ-ի միջազգային հարաբերությունների զարգացմանը:

• Հայաստանի Հանրապետության օրենսդրության համապատասխան կնքում է պայմանագրեր, տալիս է լիազորագրեր, բացում և ստորագրում է բանկային հաշիվներ, ինչպես նաև կատարում է այլ գործարքներ:

• ՄՆԱ-ի բյուջեի ձևավորումից հետո սահմանում է ՄՆԱ-ի Նախագահության աշխատակիցների հաստիքները և դրույքները, նրանց պարգևավճարների ձևերը, բարեգործական օգնություն է ցուցաբերում ՄՆԱ-ի իսկական անդամներին, թղթակից անդամներին և այլ անդամներին, Հայաստանի Հանրապետության աշխատանքային օրենսդրությամբ սահմանված կարգով սահմանում է տույժեր ՄՆԱ-ի հաստքային աշխատակիցների համար:

• Իրականացնում է օրենսդրությամբ և սույն կանոնադրությամբ իրեն վերապահված այլ գործառույթներ, լուծում է բոլոր այն հարցերը, որոնք չեն մտնում ՄՆԱ-ի ընդհանուր ժողովի և նախագահության բացառիկ իրավասության մեջ:

  ՎԵՐԱՀՍԿԻՉ ՄԱՐՄԻՆ

Վերահսկիչ մարմինը վերստուգիչ հանձնաժողովն է, որն ընտրվում է ՄՆԱ-ի Նախագահության կողմից իսկական անդամներից, թղթակից անդամներից և իրականացնում է ՄՆԱ-ի Նախագահության ֆինանսատնտեսական գործունեության աուդիտ: Վերստուգիչ հանձնաժողովն իր գործունեության մասին զեկուցում է ՄՆԱ-ի Նախագահությանը տարեկան առնվազն մեկ անգամ: ՄՆԱ-ի պաշտոնյա անձինք պարտավոր են վերստուգիչ հանձնաշողովի պահանջով ներկայացնել ՄՆԱ-ի գործունեության վերաբերյալ բոլոր անհրաժեշտ տեղեկությունները:

ՄՆԱ-ի ԳՈՒՅՔԸ ԵՎ ՖԻՆԱՆՍՆԵՐԸ

1. ՄՆԱ-ի սեփականություն են հանդիսանում օբյեկտներն, որոնք անհրաժեշտ են նրա կանոնադրությամբ նախատեսված գործունեության նյութական ապահովվածության համար: Գույքը բաղկացած է հիմնական միջոցներից, ինչպես նաև այլ գույքից, որոնց արժեքը արտացոլված է ՄՆԱ-ի հաշվեկշռում:

2. Օրենսդրական ակտերին համապատասխան դրամական և այլ ձևերով ՄՆԱ-ի գույքը ձևավորելու աղբյուրներն են.

• հիմնադիրների (մասնակիցներ, անդամներ) հատկացումները, կամավոր նյութական ներդրումները և նվիրատվությունները,

• ֆինանսական միջոցների մուտքերը՝ պետական ​​կամ մասնավոր ներդրումային հիմնադրամներից, մասնավոր ներդրողներից, դոնորներից՝ Նյարդաբանության մասին տարեկան Ազգային զեկույցի պատրաստման և հրապարակման համար, գիտական ​​ամսագրերի հրատարակման համար, գիտական ​​դրամաշնորհների համար, փորձաքննության համար, օրենքով սահմանված դեպքերում ապրանքների իրականացումից, աշխատանքների վաճառքից, ծառայություններից,

• օրենքով չարգելված այլ հատկացումները:

3. ՄՆԱ-ն իրականացնում է իր գույքի սեփականության, օգտագործման և տնօրինման իրավունքները: ՄՆԱ-ն պատասխանատվություն չի կրում իր անդամների պարտավորությունների համար: Ակադեմիայի անդամները պատասխանատվություն չեն կրում ՄՆԱ-ի պարտավորությունների համար: ՄՆԱ-ի սեփականությունը պաշտպանվում է Հայաստանի Հանրապետության օրենսդրությամբ:

4. ՄՆԱ-ի ֆինանսատնտեսական գործունեության ստուգումն ու վերաստուգումը իրականացվում է Հայաստանի Հանրապետության օրենսդրությամբ սահմանված կարգով:

ՄՆԱ-ի ԿԱՆՈՆԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԿԱՐԳԸ

Սույն կանոնադրության մեջ փոփոխություններ և լրացումներ են կատարվում օրենքով սահմանված կարգով՝ ՄՆԱ-ի Ընդհանուր ժողովի որոշման հիման վրա։ Որոշում կայացնելու համար անհրաժեշտ է որպիսի ժողովին ներկա գտնվեն իսկական անդամների և թղթակից անդամների առնվազն 2/3-ը՝ ցուցակից հանելով հարգելի պատճառներով (հիվանդություն, գործուղումներ և այլն) բացակայողներին: ՄՆԱ-ի կանոնադրության փոփոխությունների և լրացումների մասին գրանցող մարմնին տեղեկացնել օրենքով սահմանված ժամկետում:

 ՄՆԱ-ի ՎԵՐԱԿԱԶՄՈՒՄԸ ԵՎ ԼՈՒԾԱՐՈՒՄԸ

ՄՆԱ-ի վերակազմումը և լուծարումը կատարվում է Հայաստանի Հանրապետության օրենսդրությամբ սահմանված կարգով ՄՆԱ-ի Ընդհանուր ժողովի, «Միջազգային Նյարդագիտական Ակադեմիա» ՍՊԸ-ի հիմնադրի կամ դատարանի որոշմամբ։ ՄՆԱ-ի վերակազման և (կամ) լուծարման մասին որոշում կայացնելու համար անհրաժեշտ է որպիսի ժողովին ներկա գտնվեն իսկական անդամների և թղթակից անդամների առնվազն 2/3-ը՝ ցուցակից հանելով հարգելի պատճառներով (հիվանդություն, գործուղումներ և այլն) բացակայողներին: